Transcription
1
Monseigneur, tout soudain que j’ay sceu que l’ennemy se fust emparé à ce matin du
2
lieu de Merindol par l’intelligence qu’il y avoit et que ceux de la ville des principaux y eussent conduit
3
le cappitaine Didier qui commandoit à Vinsobres, aussi tost vous ay je vollu despecher pour vous avertir et
4
et vous asseurer qu’il sera nom seullement d’incommodité grande au ungs et à nous pour estre entremy
5
mes à tout le reste du peys, et me semble qu’estant de telle consequence principallement pour l’assiete
6
du lieu, la quielle est bien la plus forte qu’ilz scaroient avoir par deca, que pour estre aboudé[ ?] de tous
7
vivres que messieurs du Buys y devoient avoir avizé et fere entendre à vostre seigneurie, comme les
8
proches et ausquelz il touche le plus, le besoing qu’ilz auroient des soldatz et de quelqu’un pour y commander
9
don, par tel moien il se fust concervé soubz l’obeissance de sa magesté. Ceux de Nyhons font deshabiter
10
quelques catholicques qui restoint encor parmy eux. La nuict precedante ilz prindrent leur deliberation
11
de donner dans nostre bourg, comme ilz firent, pansant le saccager, auquel par cas fortuné rencontrarent
12
vingt cinq arquebusiers que j’avois fet sortir en autre intention. Lesquelz, entendantz le bruit se
13
pargarent [=propagèrent] que fust occazion de fere leur entreprize veyne, et les contreindre ung couple d’heures
14
apprez qu’ilz heurent combattu, se retirer avec l’effray qu’ilz eurent de se voir chargez contre leur attante
15
de plus belle. Toutesfois, avec la grace de dieu, qui nous a vollu favorizer, sont trouvez en fuite
16
et cinq ou six des leurs demurez sus le carreau, ou sera l’endroit qu’apres mes treshumbles
17
recommandations à vous bonnes graces, suppliant le createur vous avoir
18
Monseigneur, en sa sencte et digne guarde, de Mirabel, ce XXme mars 1574
19
votre tres humble et plus affectionné serviteur
20
de Soyans